طريقة تحضير صابلي ناجح ومضمون مليون فالمائة مع اسرار نجاحه
وصفة الاخت جهان ام اية تبارك الله عليها
قبل ماندوز للمقادير نعطيكم بعض النصائح لنجاحه اول حاجة العجين خاصو يبقا رطب يعني مانقصحوهش وماخاصناش ندلكو العجين يكفي نجمعوها بالاصابع يلا دلكناها يتجمع صابلي مني يطيب مني مني نجمعو العجين ضروري يرتاح فالثلاجة نصف ساعة عاد نخدمو بيه مني نكونو نطلقوه نفرشو تحت منو ميكة وفوقو ميكة عاد نطلقوه بالدلاك وسط دوك جوج ميكات بهاد الطريقة كايجي احسن واسهل بالنسبة لطريقة الاحتفاظ بيه اما المجمد او الثلاجة وبطبيعت الحال ديما نحكموا الاغلاق عليه باش ماتسربلوش الرطوبة ولا كنتو غاتحتافضو بيه مدة طويييلة من احسن فالمجمد.
ندوزو دابا للمقاديركاناخدو شي إناء نوضعو فيه 250غرام زبدة ونخدموها مع كاس ونصف (كاس العنبة) سكر كلاصي من بعد نضيف 2بيضات وكاس صغير زيت ونخدم ونضيف نكهة البسكوي او كراميل او قشور حامضة او ساشي فلو المهم كاتبقا النكهة اختيارية وفالاخير نضيف الدقيق حسب الخليط ونقدرو نضيفو لوز مطحون او كوك مطحون حسب الرغبة ونجمعوها ندخلوها الثلاجة وكيف قتليكم نصف ساعة عاد نخدمو بيها .
ندوزو للتزيين بالنسبة بالنسبة لتلصاق كانلاصقو الصابلي بالكليكوز لي كاندفيوه مع شوية ناباج ونضيفولو نكهة يلا ماعدناش ناخدو كوفيتير الحلوة نغليوه مع 3معالق سكر عاد نلصقو بيه ونخليوها دائما حتا تبرد عاد نجمعوها
وبالصحة والراحة
ليست هناك تعليقات:
إرسال تعليق