طريقة تحضير كيكة فالمقلة كاتجي غزالة
و كتوجد فاقل من ساعة لضيوف الغفلة نتمنى تعجبكم
وصفة الأخت Sara الله إعطيها الصحة
بنات المقادير ساهلين بزاف و اقتصاديين:
3 بيضات و 6 معالق سنيدة 9 معالق زيت 9 معالق حليب و معلقة خل و 12 معلقة دقيق و خمارة و نصف صاف بالتتابع نطلعو البيض مزيان و نزيد داكشي لاخور و نقسمو على 2 النصف نزيدو فيه 2 معالق كاكاو و نديرو المقلة ديال البغرير طيفال كنأكد ضروري و نطيبو الخليط البيض على 2 مرات و الاسود على 2 مرات و اهم حاجة ردوو البال بزاف كطيب فرمشة عين 2 دقايق و قلبو لتحرق و انا طلعت الكريم فريش و سقيت كل طبقة بالسيرو و درت الكريم و غطيتها بالكريم و كبيت كناش شكلاط فوقها اللي فيها شوية كريم فريش فوق النار حتى تغلا و نزيد 2 قطع الشكلاط اسود و نحرك و نديروها شوية فالتلاجة تشد راسها و الحلوة فالفريكو تقصاح شوية و نكبو كناش و نزينو
و بالصحة والراحة
التعليقات
كل التعليقات الموجودة على الموقع لا تعبر عن رأينا أو وجهة نظرنا.ونحن غير مسؤولون قانونياً عن التعليقات غير اللائقة، فالمستخدم هو المسؤول الأول والأخير عن التعليقات التي يكتبها وهي تعكس وجهة نظره فقط.
ليست هناك تعليقات:
إرسال تعليق