طبق فخيدات الدجاج مع البطاطا في الفرن مداق رائع وساهل فالتحضير
وصفة فخيدات الدجاج مع البطاطا في الفرن :
غسلت الفخيدات و نظفتهم طبعا بالماء و الملح و الحامض
عملت لهم العطرية : الملح الخرقوم شوية زعفران التحميرة سكنجبير راس الحانوت الكامون قليتهم في الزيت مع البصل مشلض و ورق سيدنا موسى و من بعد عملت الماء ماشي كثير خليتهم يطيبو نص طيبة
خاص يبقى فيهم شوية المرق
قطعت البطاطا دواير حطيتها في صحن الفرن و مابين كل طبقة بطاطا و طبقة عملت دواير البصل و في الأخير نحطو الفخيدات و نعملو المرق لي احتفظنا به من الدجاج فوق البطاطا و الدجاج و ندخلوه الفران باش تطيب بطاطا و يكمل الدجاج طيابه نغطيوه بورق الألمنيوم طبعا نشعلو الفرن غير تحت
منين يقرب يطيب نزولو ورق الألمنيوم و نشعلو العافية الفوق باش يتحمر الدجاج و يكون المرق نشف و بالصحة و الراحة
و بالصحة و الراحة
التعليقات
كل التعليقات الموجودة على الموقع لا تعبر عن رأينا أو وجهة نظرنا.ونحن غير مسؤولون قانونياً عن التعليقات غير اللائقة، فالمستخدم هو المسؤول الأول والأخير عن التعليقات التي يكتبها وهي تعكس وجهة نظره فقط.
ليست هناك تعليقات:
إرسال تعليق