جديد مولاتي

مولاتي موقع نسائي مغربي يهتم بالمرأة المغربية، وأخبار الأسرة و المجتمع
بتاريخ : الأربعاء، 8 نوفمبر 2017

جبت ليكم حل لمشكل الغمولية للي فدار والحوايج

جبت ليكم حل لمشكل الغمولية للي فدار والحوايج 
 اليوم صبنت وواحد السربيتة “زيف” شفتو غمل ولا كله منقط بالغمولية ايوة بغيت نلوحو واخة باقي جديد
شوية وانا نتفكر “بيكربونات الصودا” اصلا ديما عندي في الدار عندي بحال الخبز ضروري خصها تكون للفوائد التنظيف الي فيها
المهم مشيت شديتها وكبيت كمية كبيرة على المنطقة الي فيها الغمولية وكبيت جافيل وخليت الخليط فيها عاقد وخليتهم يترقدو جهد 5دقائق المهم حتى كملت رجع شفت البقع الي فيها الغمولية كلها مشات بحال كنت كنكذب وبلا تمارة شليت السربيتة لقيتها كتشعل
ونزيدك اي حاجة عندك موسخة معليك غير بيكربونات الصودا هي الي غتهنيك يمكن ليك تحكي بيها المرحاض والقصعة ديال المرحاض “اعزكم الله” اولفابو وربينيات
الصفورية الي في الزليج
وحتى اليا عندها الرطوبة في الدار معليك غير ترشي بيكربونات تحت المضارب مثلا هما كيشدو الغمولة بزاف او في البلاكارات او اي حاجة عندك في الرطوبة والغمولة
خذيها عند الصيدلية 3دراهم للباكية لا غلا على مسكين
 اليا كنتي غتستعمليه للمناطق الكحلة مثلا بين الزليجة و والزليجة اومثلا في مناطق ضيقة متوصليهاش ديري عجينة بحال الي في الصورة واستعني بشتة السنان
 والاخوات الي كيعانو من الغمولية الي في الخشب شدي شوية الما والخل وبيكربونات الصودا وديريها في “بخاخ” بحال هذا كيديرو ب 5دراهم في السوق
ورشي بيه الخشب ومسحيه في الاخير مزيان وخليه يتشمش شوية صافي وردي لبلاصتو
الي نجحات معها التجربة تدعي معاي
نتمنى تستافدو 

التعليقات

ليست هناك تعليقات:

إرسال تعليق

جديد مولاتي