طريقة تحضير بيتزا بالطون مذاق لايقاوم جربوها على حسابي
بيتزا كتجي واعرة
وحتى بالنسبة البنات لي مكتصدقش ليهم العجينة انا اليوم جبت ليكم الحل
العجينة
زلافة دقيق فورص
ربع زلافة دقيق القمح
2 معالق كبار زيت زيتون
ملعقة كبيرة العسل
ملح
ماء دافئ
ملعقة خميرة العجين
كتعجني العجينة مزيان مزيان حتى تولي رطبة و تقسمها الكورات و تخليها تخمرلمدة 40د قد ما خمرات كثر كتصدق العجينة مزيان وملي تخمر كتدلكيها بدقيق القمح فقط باش تجي ليك هشيشة من برا وثقبيها بالفورشيط ودخليها تطيب نص طيبة
ودهنيها بصلصة الطماطم لي سبق لي حطيتها و دوائر بالبصل ثم الطون الزيتون اﻷسود ودخليها تكمل طيابها وخرجيها وطفي الفران و حكي فوقها 50غ الموتزاريلا و 50غ فرماج أحمر ودخليها غي يدوب الفرماج وخرجيها متعليش الفران با ميتحرقش الفرماج باش يجي معلك ملي تخرجيها دربي الزبدة و نسميها بالزعتر و كبيه فوقها كتجي لذيذة رطبة و هشيشة
بالصحة والراحة
التعليقات
كل التعليقات الموجودة على الموقع لا تعبر عن رأينا أو وجهة نظرنا.ونحن غير مسؤولون قانونياً عن التعليقات غير اللائقة، فالمستخدم هو المسؤول الأول والأخير عن التعليقات التي يكتبها وهي تعكس وجهة نظره فقط.
ليست هناك تعليقات:
إرسال تعليق