طريقة تحضير سلطة مشكلة سخونة بالخضار
اولا نسلقو القمح والجزر والجلبانة كل على حدة ونصفيوهم ونخلطوهم مع بعض مع الملح والابزار وزيت الزيتون والمايونيز ونحتافظو بيهم جانبا
ثم الباربا نصلقوها ونقشروها نقطعوها مربعات نضيفو ليها قليل من البصل مشلظ وملح وابزار ومعدنوس
اللوبا نصلقوها ونشحروها فشوية الزبدة والملح والابزار ونرشو عليها المعدنوس
نصلقو الارز ونضيفو ليها الذرة والطون ونخلطوه بالملح والابزار والمايونيز وزيت الزيتون
نقطعو الخيار على زوج فالطول ومن بعد نقطعوه طريفا بحال الهلال ومطيشة صغييييور نقسموها على زوج
ناخدو 4 او 5 قطع كيري على حسب الخيار ومطيشة اللي عندك يعني عينك ميزانك يمكن اكثر يمكن اقل ونضيفو ليهم ملح وابزار ومعدنوس وزيت زيتون ونخلطوهم مزيان
البطاطس نصلقوها نقطعوخا صغيرة ونطحنوها فطحانة كهربائية مع بصلة مشحرة في زيت الزيتون ونضيفو ليهم ملح وابزار وطون نشكلهم على شكل كويرات ونبسطهم قليلا ثم نقليوهم في زيت ساخنة من بعد ماندوزوهم فالدقيق ثم فالبيض ولاشابلير
ناخدو صحن التقديم ونحطو الارز فالوسط بالشكل اللي بغيتي مربع او دائرة
ثم نستفو اوراق الخس دايرة بيه ونبداو نعمروها بشوية من الحاجة بشكل متتالي شوية باربة شوية لوبيا شوية قمح شوية مطيشة وخيار زنعاودو حتا نكملو الكمية اللي عندنا
فالتزيين استعملت الدوائر ديال البطاطا والطون وحكيت الفرماج حمر فوق الروز غطيتو بيه وزينتو بكاشير مقطع بمقاطع الحلوة وحبات من الزيتون اسود والبيض على شكل دوائر وطبعا كل سيدة كيبقا ليها الاختيار تزين حسب الرغبة ديالها
كيما العادة قبلو على ختكم وشهية طيبة للجميع
التعليقات
كل التعليقات الموجودة على الموقع لا تعبر عن رأينا أو وجهة نظرنا.ونحن غير مسؤولون قانونياً عن التعليقات غير اللائقة، فالمستخدم هو المسؤول الأول والأخير عن التعليقات التي يكتبها وهي تعكس وجهة نظره فقط.
ليست هناك تعليقات:
إرسال تعليق