طريقة تحضير بسطيلات صغار
المقادير و الطريقة :
نغسلو الحوت الابيض وندخلوه الفران مع شوية الملح بلا زيت شي ربع ساعة على حسبالشوفة ومن بعد الكروفيط نغسلو ونحتفظ بالقشور نديرهم في طنجرة يتصلقو .ومن بعد نغسلو الكلامار مزيان ونقطعوه قطع بحال اللي شتو والحوت الابيض نخرجوه من الفرن ونفرتوه الى قطع كبيرة حيت غنصوطيوه وغيتجمع.
وندوزو الحشوة البنينة وهي سر نجاح هادشي:الهريسة .التومة.الربيع ه والمعدنوس .صوص صوجة .2حامضات مصير و2 حامضات معصورين.الملح التحميرة والابزار وسكين جبير والزعفران
نسد هادشي كامل وعلى حسب الكمية اللي عندك ديال الحوت نشد هادشي ونطحنوه مزيان .ومن بعد نحطو الشرمولة في ايناء تم نبدا نصوطي الحوت الابيض بهاد الشرمولة ونحط ونصوطي الكروفيط ونحط شي 5دقايق ونصوطي الكلامار حتى هو داىما بالشرمولة وملي يتصلقو قشور كروفيط نخوي الماء ديالهم فوق الفرميسيل حتى يتحل ونصفيه ملي يبرد نديرليه السرمولة بلا ما نصوطيه غيلصق ومن بعد ناخد الزيتون مقطع نديرليه غلية خفيفة باش تحيد الملحية والزفرة تظ نصفيه ونصوطيه في المقلة بالشرمولة.نقطع الشمبينون اسود بحال الربيع تم نقطع الشمبينون العادي ونصوطيه حتى هو بالشرمولة.نسدو كلشي اللي صوطينا ونخلطوه كيما شفتو في الصورة ومرة مرة ندوقو باش نزؤدو الشرمولة البنينة ونبداو نعمرو البريوات ولا سيكار ولا بساطل
التعليقات
كل التعليقات الموجودة على الموقع لا تعبر عن رأينا أو وجهة نظرنا.ونحن غير مسؤولون قانونياً عن التعليقات غير اللائقة، فالمستخدم هو المسؤول الأول والأخير عن التعليقات التي يكتبها وهي تعكس وجهة نظره فقط.
ليست هناك تعليقات:
إرسال تعليق