طريقة تحضير كراتان البطاطا بالصوصيص للعشا
كراتان البطاطا بالصوصيص
تقلي صوصيص في مقلاة حتى يخرج منو الزيت نتاعو من بعد تنحيه من المصران وتفتتيه حتى يولي كيما الكفتة تخليه بجنب وتحطي في مقلاة حبة بصل مقطعة وشوية زيت تخلي البصل حتى يدبال من بعد زيدي 2 سنات ثوم واضيفي صوصيص خليه يتقلا معاهم شوية زيدي فلفل اسود القليل من الملح والكمون من بعد اضيفي حبة طماطم تكون كبيرة مرحية وملعقة صغيرة طماطم مصبرة ونصف ملعقة صغيرة سكر خليهم يتقلاو امرقي بنصف كاس ماء غطي عليها وخليها حتى تختار في الاخير اضيفي المعدنوس مقطع والزيتون مقطع شرائح ومغلي قلي البطاطا شرائح قطريها من الزيت فرشيها في المول بعد ما تكوني دهنتيه بالزبدة في القاعدة وعلى الحواف حطي كمية صوصيص كامل زيدي فوقها جبن طري وجبن محكوك من جهة اخرى تكوني حضرتي خليط متكون من 3 بيضات فنجال كريمة سائلة كريمة الطبخ و ونصف كاس حليب ملح فلفل اسود برشة جوزة الطيب وسنة ثوم محكوك صبي القليل من هاد الخليط فوق صوصيص وزيدي غطيه بطبقة من البطاطا ومنبعد صبي كل كمية البيض هنا خليط البيض نتي والمول نتاعك ادا المول كبير ضاعفي الكمية
نتاع البطاطا ونتاع خليط البيض ديري البيض حوالي 4 بيضات الى 5 دخليه للفرن يطيب لما يطيب خليه حتى يبرد شوية باه يعرق و يتنحالك من المول
وقلبيه في صحن على وجهو وحطيلو الجبن محكوك من فوق
الشرح بالصور
بالصحة والراحة
التعليقات
كل التعليقات الموجودة على الموقع لا تعبر عن رأينا أو وجهة نظرنا.ونحن غير مسؤولون قانونياً عن التعليقات غير اللائقة، فالمستخدم هو المسؤول الأول والأخير عن التعليقات التي يكتبها وهي تعكس وجهة نظره فقط.
ليست هناك تعليقات:
إرسال تعليق