طريقة تحضيرحرشة ساهلة وبسيطة
حرشة ساهلة وبسيطة
المقادير:
2 كيسان سميدة رقيقة. 2 معالق كبار سنيدة. نص معلقة صغيرة ملح. نص كاس زبدة دايبة نزيدو عليها 2 معالق زيت. كاس الا ربع حليب. خمارة. وسميدة رقيقة باش نقرصو
الطريقة :
في ايناء نحطو سميدة والخمارة وسنيدة والملح ونزيدو الزبدة لي ذوبناها من قبل ونخلطو كلشي نبسبسوها بالصبعان حتى تخلط المكونات كلها مزيان ونزيدو الحليب ونخلطو غير بصبعان ديالنا نخليوها تقريبا 20 دقيقة حتى شرب شوية ورشو السميدة ونقرصوها ونشكلوها كيف موضح في الصورة الحجم حسب الرغبة انا درتهم صغار كيجيو احسن نخليوهم يرتاحو بينما سخنات المقلة ونطيبوهم مباشرة مدرت في المقلة والو غير سخنتها وحطيتهم يطيبو ونقلبهم مرة مرة على نار متوسطة وبالصحة والراحة الصور كتوضح كلشي
التعليقات
كل التعليقات الموجودة على الموقع لا تعبر عن رأينا أو وجهة نظرنا.ونحن غير مسؤولون قانونياً عن التعليقات غير اللائقة، فالمستخدم هو المسؤول الأول والأخير عن التعليقات التي يكتبها وهي تعكس وجهة نظره فقط.
ليست هناك تعليقات:
إرسال تعليق