بسطيلة بالكفتة و الخضر
المقادير :
رابعة الكفتة
جزرتين محكوكتين
كرعة خضراء محكوكة
بصلتين مشلضين رقيق
ثلاث فلافل 2 حمراء وواحدة خضراء مقطعين رقيق
بكية فيرمسيل مرطبة في الماء مغلي ومقطعة
شوية الزيتون أخضر دوائر
شوية الحامض مرقد طريفات رقيقة
شوية الفرماج محكوك
ملح، كمون، إبزار، قزبر مقطع رقيق
ربع كاس زيت كنور دجاج زبدة لدهن الورقة
طريقة التحضير : نحضر الخضر نأخذ مقلاة ثم نحطها على النار نضع القليل من الزيت ونشحر البصلة
والفلافل ونزيد القليل من الملح والإبزار ونشحرهم مزيان
نضيف الجزر والكرعة ونشحر الكل نضيف الكفتة والعطرية وكنور ونحرك الكل نزيل المقلة من على النار ثم نضيف الحامض والزيتون على الخليط ثم نخلط الخليط ونضيف له الشعرية الصينية نحضر الورقة والزبدة ثم نضع الخليط فوق ورقة البسطيلة بعدما حطينا الخليط فوق 3 ورقات نضع الفرماج محكوك فوق الخليط
نجمع الورقات ثم نضع ورقة فوق ثم ندخل الحواشي من تحت مع الدهن بالزبدة مذوبة بين الورقات
تدهن من فوق بالزبدة وتدخل للفرن تطهى
وقبل التحمار النهائي تخرج ثم يرش عليها الفرماج محكوك
وترجع للفرن ليدوب الفرماج قليلا ثم نخرجها و تقدم
بألف صحة وعافية
التعليقات
كل التعليقات الموجودة على الموقع لا تعبر عن رأينا أو وجهة نظرنا.ونحن غير مسؤولون قانونياً عن التعليقات غير اللائقة، فالمستخدم هو المسؤول الأول والأخير عن التعليقات التي يكتبها وهي تعكس وجهة نظره فقط.
ليست هناك تعليقات:
إرسال تعليق