طريقة تحضير طورطة سهلة ولذيذة للمناسبات
مقادير :
4بيضات
200غ سنيدة
ربع ليتر زيت
كاس عنبة حليب
3 معالق كبار قهوة سريعة الدوبان
2 ساشي فاني
شوية ملح
300 كرام طحين فورص
طريقة تحضير :
يخفق البيض مع الفاني والملح نصف دقيقة تم نضيف سنيدة ونبقاو نخفقوا بالطراب الكهربائي حتى يتضاعف حجمه ويبهات لونه عاد نضيف الزيت ونكمل التطراب ونضيف القهوة من بعد نضيف الطحين مغربل مع الخمارات ولكن نضيف الطحين بالتناوب مع الحليب حتى تنسجم العناصر نفرغ الخليط في 3 قوالب متساوية الحجم ومنين يطيبوا نتركهم حتى يبردوا عاد نحيدوهم من القوالب
السيرو: كاس عنبة ماء مغلى و3 معالق كبار سنيدة ومعلقة كبيرة قهوة سريعة الدوبان
طريقة تحضير كريمة الحشو
2 علب قشدة طرية ما يعادل 500 ملل
معلقة كبيرة من صلصة الشكولاطة
معلقة كبيرة قهوة سريعة الدوبان
2 معالق كبار حليب
ندوبوا القهوة في الحليب ونضيف لها صلصة الشكولاطة ونضيف الكل الى القشدة الطرية ونطرب الكل بالضراب الكهربائي حتى نحصلوا على كريمة شانتيي
الان نبداو في تحضير الطورطة
نضع القرص الاول من الجينواز تم نبلله بالسيرو ونغطيه بطبقة كثيفة من الكريمة
تم القرص التاني نسقيه
ونضع فوقه طبقة كثيفة من الكريمة
ونوزع الجوز مهروش انا مكانش عندي عوضتو بالفواكه المعسلة
واخيرا القرص الاخير نسقيه بالسيرو
تم نغطي الطورطة كاملة بالكريمة ونحتفظ بالقليل من الكريمة للتزيين
نغطي جوانب الطورطة برقائق اللوز المحمرة
يزين محيط الطورطة بوردات من الكريمة الشانتيي ونغطي الوسط بالشكولا فرمسيل
تم يغطى الشكولا فرمسيل بصلصة الشكولاطة
من بعد ندخلها للثلاجة مدة 2 ساعات من بعد زينوها بمربعات الشكلاط من النوع الجيد انا مكانتش عندي زينتها بدوائر بيمو سميتو اوكي بالصحة والراحة
التعليقات
كل التعليقات الموجودة على الموقع لا تعبر عن رأينا أو وجهة نظرنا.ونحن غير مسؤولون قانونياً عن التعليقات غير اللائقة، فالمستخدم هو المسؤول الأول والأخير عن التعليقات التي يكتبها وهي تعكس وجهة نظره فقط.
ليست هناك تعليقات:
إرسال تعليق