طريقة تحضير السفة المغربية
طريقة التحضير
اولا نديرو الماء يغلى من بعد ندهنو السفة نصف كيلو مزيان بالزيت من بعد نديورها فالكسكاس ديال الطنجرة ونردوها تبخر حتى تولي السفة مشوكة تقريبا واحد نصف ساعة
من بعد ما دازت 30 د نزولوها من فوق النار ونحطو السفة شي انية كبيرة كاناخدو كمية كثيرة من الماء عادي بارد ونكبوه عليها مزيان حتى كاتغطى السفة تماما
ونحلوها بيدينا كانزولوها مباشرة نصفيوها من الماء ونرجعوها للكسكاس ونردوها للمرة التانية تبخر مدة 30 د من بعد ما تبخرات نزولوها ونعملوها فقصرية نوجدو كاس ماء مخلط مع القليل من الملح ونبداو نرشو فحال الكسكسو متكتروش الماء
ونحلوها مزيان
ونردوها للمرة التالثة والاخيرة نردوها واحد 20 د تبخر
من بعد ما تبخرات نوجدو واجد 2 ملاعق سكر سنيدة نزيد عليهم 2 اكياس فانيلا
نخلطوهك مزيا ونرشو بيهم السفة مزيان ونحركوها ناخد ربع لتر ديال الحليب الى درتو كيلو ديال السفة ديرو نصف لتر حليب ثم نرشوها بالحليب
ماتخافوش منها وحلوها مزيان ونتوما كاترشو ونردوها تبخر للمرة الاخيرة عملت شوية ديال الزبيب مرقد تحت عاد عملت فوقو السفو وردينو يتبخر
التزيين يبقى حسب الرغبة انا زينت بالكاوكاو شوية القرفة وشوية سكر gلاصي
نتمنى تعجبكم
بالصحة والراحة
التعليقات
كل التعليقات الموجودة على الموقع لا تعبر عن رأينا أو وجهة نظرنا.ونحن غير مسؤولون قانونياً عن التعليقات غير اللائقة، فالمستخدم هو المسؤول الأول والأخير عن التعليقات التي يكتبها وهي تعكس وجهة نظره فقط.
ليست هناك تعليقات:
إرسال تعليق