طريقة تحضير بطبوط مورق
المقادير :
نصف كيلو سميد ناعم او الفينو
نصف كيلو فورص
ملح
خميرة العجين
ماء دافئ للعجن
الزبدة والزيت مخلطين للتوراق
الطريقة :
* اولا نعجنوا العجينة ديالنا (وننقصوا شوية السميد من النصف كيلو للتوراق )وندلكوها مزيان حتى تولي تتطرطق وترطاب , نشكلوا منها كويرات متوسطين ونعملوا الزبدة تذوب ونخلطوها مع الزيت .
* نسرحوا كويرة مزيان ثم ندهنوا بخليط الزيت والزبدة ونرشوا بالسميد ونجمعوها بحال المسمن مربع نعملوا شي اربعة ولا خمسة .
* نأخذ أول مربع نسرحوا شوية ندهنوه بالخليط الزبدة والزيت ونرشوا شوية بالسميد ونجمعوا الجناب حتى نحصلوا على كويرة مرة أخرى .
* منين نكملوا العجينة نغطوها بشي بلاستيكة ونخليوا الكويرات يخمروا حتى حجمها يتضاعف .
* نأخدوا المقلة الثقيلة نحطوها تسخن ونعملوا كويرة وسطها ونبسطها غير شوية صافي حيت كايجيوا صغارين المقلة راها تهز ليك من أربعة حتى لخمسة على حساب حجمها .
ملاحظة : مجرد تسخن ليك المقلة نقصي عليها البوطة يعني تكون مابين مهيلة ومتوسطة وهذا باش يطيبوا ليك من الداخل ومايبقاوش خضرين .
كايجيوا زوينين ومورقين من الداخل
وبالصحة والراحة
التعليقات
كل التعليقات الموجودة على الموقع لا تعبر عن رأينا أو وجهة نظرنا.ونحن غير مسؤولون قانونياً عن التعليقات غير اللائقة، فالمستخدم هو المسؤول الأول والأخير عن التعليقات التي يكتبها وهي تعكس وجهة نظره فقط.
ليست هناك تعليقات:
إرسال تعليق